رثاء الى اعز الناس (رحلت )

رثاء الى اعز الناس (رحلت )

--------------------------------------------------------------------------------

(رَحَلتْ .. وعِقبكْ الدنيا غلاها طاح مِنْ عينـي )


رحلت ما بُقى عِندي صَبرْ .. يتْحَمَّلْ التأخيـر
رَحَلتْ .. وعِقبكْ الدنيا غلاها طاح مِنْ عينـي

أجَاوبْ اللِّي يسْألني عَنْ أخْبَاري وأقولْ بخيـر
وأنا لا خِير بغيابكْ .. ولا حَاجَـه .. تهنينـي

على طاريكْ كِلْ لحظه .. ولا أحتـاج للتذكيـر
حَريصْ القلب ما ينسَى عيونِكْ , لا توصينـي

مَحَدْ يِقْدَر يعَوِّضْنِي لأنِّكْ .. في عيُوني غيـر
ومَهْمَا شِفتْ أنا الفرحَه .. بدونِكْ ما تسلينـي


وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِـدَرتْ آطيـر
أحَاولْ أبْتِسِمْ وأنْسَى ولكنْ وشْ ينسينـي..؟!



صار .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ وعقلى عِجزتْ ألقى لَهَ تدبيـر
طِلَبتْ النُومْ .. لحظاته وعيَّى النُـوم يعطينـي

تغيَّرتحياتى.. مِنْ أوَّل غيابكْ وإبْتِدَى التأثير
تعبت ومن التَّعَبْ كافي خذيتْ اللِّي يكفينـي

يا أغلى مِنْ رَحَل عنِّي يا كِلْ الحُبْ والتقديـر

رَحَلتْ .. وعِقبكْ الدنيا غلاها طاح مِنْ عينـي

السلام عليكم و رحمة الله و بركاته

رثاء رائع و مؤثر و كنت رائعة في اسلوبك


منتظرين المزيد

و تقبلى مرورى,,,,,,


و السلام عليكم

مشكوووووووووووووووووووووووووووووووووووووووووووووووووووووووووووووووووور
اخي الهاشمي علي المرور اللطيف
وتقبل تحياتي

قصيدة جميلة ومؤثرةجدا اختى الحبيبة الجوهرة


استشعرت فيها الصدق والحزن الشديد


فالتزمى بباب الله وعليك بالصبر ثم الصبر ثم الصبر وبشر الصابرين


ورحم الله الوالد واسكنه فسيح جناته

الابقاء والدوام لله
تبلي مروري اختنا الكريمه
ونسأل الله ان يبدله دارا خير من داره واهلا خير من اهله وينور له في قبره ويسكنه فسيح جناته
اللهم امين